Orbelaren desertuko lilia
Orbelaren desertuan
lore bakarra,
basoaren barrenean
azken lilia,
isolamenduari aurre eginez
bizirauteko hautua harturik,
Ekiaren izpien indarra
jaso bitarte bederen;
etzidamu
ihartuko dela
jakinda ere;
akaso
bihar bertan
zanpatuta izanen dela
jakinda ere;
hil arte
borrokatzea
baita
bizitzaren huskeria
soportatzeko
norabide duin bakarra.
