Erranen nizuke belarrira,
erran,
nahi zaitudala gauean,
nahi,
begira biluzik parez pare,
begira,
ta eman emozio gordinari,
eman.
Erranen nizuke begitara,
erran,
ene ilusioa dela fereka sotil
dela,
erakarri nahi zaitudala nere itzalera,
erakarri,
ta eskaini ene irriaren egia,
eskeini.
Erranen nizuke ezpainetara,
erran,
ikusi nahiko nukeela zure hatsa
ikusi,
busti zure beldurra,
busti,
ta hartu zure hutsa
hartu.
Erranen nizuke larrura,
erran,nahi,begira ta eman,
erranen nizuke sudur puntara,
erran, izan, erakarri ta eskaini,
erranen nizuke zure izaitera,
erran,ikusi,busti ta hartu.
GOHARTZ 