Ukatu didazu ene itzala,
debekatu didazu edertasuna,
galarazi didazu ene izatea,
baztertu nauzu koloreen prepotentziaz.
Halakotz,
ni iluntzen nauzunerako
pizti gogaingarria bihurtuko nauzu.
Soilik beltzaren belzdura ikusiko duzu.
Beldur nauzu naizelako
eta beldur naiz naizelako.
Eta zure beldurretatik
bakarrik askatuko zaitut
eta bakarrik askatuko naiz
argi izpia eskaintzen didazunerako.
Goxotasunaren argiak ene zainak
aitortuko dituenean.
Beldur nauzulako naizelako
eta beldur naizelako naizelako.
GOHARTZ 